Jeden Friedaachovend - triff sich d'r janze Fußballclub
en singem Trainingslager - en d'r Weetschaff beim Schmitze Jupp
He dun se diskutiere üvver Borussia, Fortuna, FC
De Zick verjeht, d'r Weet weed möd
doch die Junge, die kritt m'r nit klein - se singen…

Maach uns noch e Ründche - mer jonn noch nit noh Hus
mer jonn noch nit noh Hus - et es noch lang nit Schluß
Maach uns noch e Ründche - mer blieven noch jet he
wat sulle mer denn doheim - do kennt uns doch jeder

Dä Ali hält op Schalke, weil singe Papp 10 Johr em Bergbau wor
Dä Schäng hätt Bock op Kölle, hä hätt en Dauerkaat dat es doch klor
„Et jeht nix üvver Gladbach" sät de Kowalski's Hein
De Zick verjeht un d'r Weet weed möd
doch e Ründche dat muß noch hinein - un doröm

D'r Ball es rund un Sport es jesund,
och wenn et manchmol Knocheschloot jitt
De Haupsach es, und dat es jewess,
vum Fußball blieve mer richtich fit - un doröm