Êss qu'é nha terra, é Cabo Verde Nhor Dês bta-l na meio di mar Nabiu di pedra ta busca rumo Sem podê otcha-l na sê lugar Ô mar azul, abri-m caminho Falucho branco, trazê-m nha carta Povo sagrado tchora quietinho Cretcheu na peito, morna na boca Se ca tem tchuba, morrê di sede Se tchuba bêm, morrê fogode Gente sem sorte ca tem remedi Tchora bô sina, tchora maguado Êss qu'é nha terra nhor Dês que da-m Ca tem mas sabe na mundo inter' Di sol mas quente Di luar mas brando Di morna doce na coraçon Êss qu'é nha terra, é Cabo Verde Terra di morna, di lua cheia Terra di Eugenio, di serenata E mar ta canta junta d'areia